Pedofıl Jezqazǵan parkinde 10 jasar qyzǵa shabýyl jasady
QARAǴANDY. QazAqparat - Qaraǵandy oblysy Jezqazǵan qalasynda kámelettik jasqa tolmaǵan qyzdy zorlaý áreketinde kúdikti sheteldik azamat ustaldy. Bul týraly oblystyq ІІD baspasóz-qyzmeti habarlady.
«19 qyrkúıek kúni 102 telefonyna 38 jastaǵy qala turǵynynan belgisiz bireýdiń 10 jasar qyzǵa jynystyq shabýyl jasaýǵa tyrysqany týraly habarlama kelip tústi. Oqıǵa ornynan Ońtústik Qazaqstan oblysynda turatyn 23 jastaǵy Ózbekstan azamaty ustaldy», - dedi oblystyq ІІD baspasóz-qyzmetiniń jetekshisi Baqytjan Qudııarov.
Kúdikti ýaqytsha ustaý ızolıatoryna qamaldy. Oǵan qatysty QR QK 24-121 baby 4 bólimi boıynsha sotqa deıingi tergeý jumystary bastaldy.
