Pedofıl hımııalyq kastratsııadan ólip ketýi múmkin be
Hımııalyq kastratsııanyń da dári-dármek sekildi janama áseri men qarsy kórsetilimderi bar, dep habarlaıdy Kazinform.
«Hımııalyq kastratsııa jasalatyn pedofıl birinshi rásimnen keıin keminde 6 aıda 1 ret tekserýden ótedi. Atap aıtqanda, gormondar deńgeıin anyqtaý, fızıkalyq derekter jáne jalpy klınıkalyq taldaý jasaý. Hımııalyq kastratsııa jasalǵan adamǵa Qazaqstan Respýblıkasynyń halqyna psıhıkalyq densaýlyq salasynda medıtsınalyq-áleýmettik kómek kórsetýdi uıymdastyrý standartyna sáıkes protsess aıaqtalǵannan keıin adamnyń densaýlyǵyna dınamıkalyq baqylaý júrgiziledi», - delingen Densaýlyq saqtaý mınıstrliginiń Kazinform tilshisiniń saýalyna berilgen jaýapta.
Aqparatta aıtylǵandaı, pedofılge hımııalyq kastratsııa jasaǵan kezde ol shok alýy múmkin.
«Hımııalyq kastratsııa jasaýda qoldanylatyn antıandrogendi preparatty qabyldaý jynystyq qatynastyń tómendeýine ákeledi. Alaıda, hımııalyq kastratsııanyń da dári-dármek sekildi janama áserleri men qarsy kórsetilimderi bar. Anafılaktıkalyq shok túrindegi jyldam allergııalyq reaktsııa bolǵan jaǵdaıda, ólimdi joqqa shyǵarýǵa bolmaıdy. Bul jeke adamnyń tózimdiligine baılanysty jáne popýlıatsııada óte sırek kezdesetin erekshe jaǵdaı», - dep túsindirdi vedomstvodan.
Aıta keteıik, bıyl elimizde 32 pedofılge hımııalyq kastratsııa jasalǵan.
