Pedıkýlezden arylýdyń eki joly bar - epıdemıolog

ALMATY. QazAqparat- Pedıkýlezden qalaı saqtaný kerek jáne parazıtten qutylýdyń amaly qandaı? Bul saýaldarǵa Óńirlik kommýnıkatsııalar qyzmetinde ótken brıfıngte Almaty qalasynyń sanıtarlyq-epıdemıologııalyq baqylaý departamentiniń basshysy Qasymhan Alpysbaıuly jaýap berdi, dep habarlaıdy QazAqparat tilshisi.

Mamannyń aıtýynsha, pedıkýlez birneshe jolmen juǵady. Pedıkýlezi bar adammen bir taraqpen taranyp, bir súlgimen súrtinse, bıt sizdiń shashyńyzǵa aýysady.

«Balabaqshada, mektepte, ózen-kól, jaǵajaı, basseın sııaqty kópshilik shomylatyn oryndardan da pedıkýlezdy juqtyryp alý qaýpi bar. Sondyqtan jeke bas gıgıenasyn saqtaý kerek», - deıdi spıker.

Sonymen qatar, ol pedıkýlezden arylýdyń eki joly bar ekenin aıtty.

«Odan qutylýdyń eki joly bar. Ol - mehanıkalyq jáne hımııalyq ádis. ıAǵnı, qolmen tazalaý jáne túrli arnaıy sýsabyndardy qoldaný. Sýsabyn, loson, aerozoldi mamandandyrylǵan dárihanadan alý kerek. Qoldanar aldynda ishindegi nusqaýlyqpen tanysyp, sony saqtaǵan jón», - deıdi epıdemıolog.

Sonymen qatar, ol pedıkýlezdi boldyrmaý men odan aıyǵý úshin birqatar keńes berdi:

- Basty jıi jýý kerek;

- tósek jabdyǵyn apta saıyn aýystyrý qajet;

- úıdi turaqty tazalap turý qajet.

- balaǵa bireýdiń baskıimin kıip, moıynoraǵyshyn taǵýǵa bolmaıtynyn túsindirý kerek.

Foto: pediatrichairsolutions.com