Pedıatrııa ǵylymı ortalyǵynda komıssııa músheleri daýys sanap jatyr
ALMATY. QazAqparat - Pedıatrııa jáne balalar hırýrgııasy ǵylymı ortalyǵynda ornalasqan №307 jabyq saılaý ýchaskesinde daýys berý aıaqtaldy, dep habarlaıdy QazAqparat tilshisi.
Aýrýhana baspasóz qyzmetiniń málimetinshe, prezıdent saılaýyna klınıkada em alyp jatqan balalardyń ata-analary birkisideı qatysyp, tańdaý jasaǵan.
Saılaý ýchaskesinde barlyǵy 174 adam daýys berdi.
«Qazirgi ýaqytta ýchaskelik saılaý komıssııalary daýys sanaýǵa kiristi. Daýys berý tańǵy 7-de bastalyp, saǵat 12.00-de aıaqtaldy»,- dep habarlady Pedıatrııa jáne balalar hırýrgııasy ǵylymı ortalyǵynan.
Aıta keteıik, megapolıstegi jabyq saılaý ýchaskelerinde 12 381 saılaýshy daýys berdi.
