Pedagogtiń tsıfrlyq saýattylyǵy joǵary bolý kerek – mınıstr

ALMATY. QazAqparat- Pedagogtiń tsıfrlyq saýattylyǵy joǵary bolý kerek. Mundaı pikirdi Almatyda ótken ustazdar forýmynda QR Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

Onyń aıtýynsha, pandemııa kezinde bilim salasynda tsıfrlyq tehnologııa enip, halyq arasynda aldaǵy ýaqytta muǵalimder qyzmeti kerek bolmaı qalady degen pikir qalyptasqan edi.

«Qoǵamda muǵalimderdiń róli zor. Ol solaı bolyp qala beredi. Alaıda, pedagogterdiń tsıfrlyq saýattylyǵy joǵary bolý kerek. Almatyda tsıfrlyq tehnologııalardy oqytý men meńgerýdi jáne tsıfrlyq pedagogıkanyń úzdik ádisteri tájirıbesin úıretetin «Digital Ustaz Almaty» atty jańa baıqaý paıda boldy. Muǵalimder qazirgi kommýnıkatsııa quraldaryn (áleýmettik jeliler, messendjerler) qoldana bilýi men daǵdysy, tsıfrlyq ortada qarym-qatynas jasaý etıkasy men normalaryn bilýi kerek».- dedi Ashat Aımaǵambetov.