Pedagogtik kardrlardy daıarlaý memlekettik JOO-larda ǵana júzege asyrylýy tıis
ASTANA. QazAqparat - Jańa formatsııadaǵy pedagogtiń áleýmettik mártebesin ázirleý qajet. Bul týraly búgin Pedagogtik bilim berý jónindegi respýblıkalyq keńeste Abaı atyndaǵy Qazaq ulttyq pedagogıkalyq ýnıversıtettiń rektory Serik Pirálıev málim etti.
Rektordyń aıtýynsha, pedagogtik kardrlardy daıarlaý úzdik nusqada jańǵyrtylǵan memlekettik joǵary oqý oryndarynda ǵana júzege asyrylýy tıis.
«Ustazdyq kadrlardyń sapasyn qamtamasyz etý úshin bazalyq pedagogıkalyq bilim bolmasa, pedagogıka mamandyǵy boıynsha ekinshi joǵary bilim baǵdarlamasyna qabyldaýdan bas tartý kerek»,-dedi Serik Pirálıev.
Aıta keteıik, otyrysqa QR Bilim jáne ǵylym mınıstri, Kembrıdj ýnıversıtetiniń halyqaralyq sarapshylary, sonymen qatar «Nazarbaev Zııatkerlik mektepteri» men Y. Altynsarın atyndaǵy Ulttyq bilim akademııasynyń ókilderi qatysty.
