Pedagogterge onlaın-qaýipsizdik boıynsha mindetti trenıng engiziledi
ASTANA. KAZINFORM – Pedagogterge onlaın-qaýipsizdik boıynsha mindetti trenıng engiziledi. Bul týraly Májilis depýtattarynyń saýalyna Premer-mınıstrdiń orynbasary – Mádenıet jáne aqparat mınıstri Aıda Balaevanyń jaýabynda aıtylǵan.
– 2026 jyldyń 26 qańtarynda Úkimet qaýlysymen 2026-2030 jyldarǵa arnalǵan «Qazaqstan balalary» tujyrymdamasy bekitildi. Onyń aıasynda balalardy aqparattyq keńistikte qorǵaýdyń jańa zańnamalyq tetikterin ázirleý jáne engizý sharalary kózdelgen. Tujyrymdamany júzege asyrý is-qımyl josparynda 158 is-shara qarastyrylǵan, - dedi ol.
Vıtse-premerdiń atap ótýinshe, ata-analardyń balalarynyń onlaın-belsendiligin baqylaýǵa, qaýipti kontentterge kirýin shekteýge múmkindik beretin «Ata-ana baqylaýy» servısine qosylýǵa keńes berilip jatyr. Sonymen qatar baılanys operatorlaryna ata-ana baqylaýyn mindetti optsııa retinde tarıftik josparǵa qosý usynylǵan.
– Pedagogter úshin onlaın-qaýipsizdik, mektep medıatoptaryn qurý, tsıfrlyq táýekelderdi anyqtaý boıynsha mindetti trenıng engiziledi. Pedagogterdiń bilim berý protsesinde jasandy ıntellektini qoldanýy boıynsha biliktiligin arttyrý mańyzdy qadam bolady. Aqparattyq quraldar keshenin jınaqtaǵan «Kıber Tumar – balalardy tsıfrlyq ortada qorǵaımyz» atty aqparattyq-bilim berý naýqany iske qosyldy, - dedi Aıda Balaeva.
Aıta keteıik, balalardyń onlaın-platformalarǵa tirkelýine tyıym salý úshin Eýropa tájirıbesi zerdelenip jatyr.