Pedagogterge arnalǵan test quny qymbat pa – mınıstrlik jaýaby

ASTANA. QazAqparat – QR Oqý-aǵartý mınıstrligi Ulttyq biliktilik testileýdiń 40 myń teńgeni quraıtyndyǵyna qatysty saýalǵa jaýap berdi, dep habarlaıdy QazAqparat tilshisi.

Ulttyq biliktilik testileýdiń tolyq kýrsy 40 myń teńgeni quraıtyny týraly aqparat shyndyqqa janaspaıdy. Ulttyq biliktilik testileýin ótkizý rásimine qoıylatyn talaptardy qaıta qaraýǵa qatysty sizderdiń usynystaryńyz nazarǵa alyndy», - delingen QR Oqý-aǵartý mınıstriniń mindetin atqarýshy Sholpan Karınovanyń Májilis depýtattarynyń saýalyna bergen jaýabynda.

Onyń atap ótýinshe, qazirgi ýaqytta testileý oblys ortalyqtarynda jáne respýblıkalyq mańyzy bar qalalarda ornalasqan «U-FUTURE» jaýapkershiligi shekteýli seriktestiginiń 43 óńirlik testileý ortalyqtarynyń bazasynda ótkiziledi.

«Pedagogter úshin Ulttyq biliktilik testileý test tapsyrmalarynyń bazasyn qalyptastyrý úshin jyl saıyn jańa test tapsyrmalaryn ázirleý josparlanǵan. Budan basqa, jyl saıyn test tapsyrmalaryna tekserý, túzetý arqyly qosarlanǵan saraptama, sondaı-aq olardy beıimdeý júrgiziledi», - dedi ol.