Pedagogterge arnalǵan tegin jasandy ıntellekt kýrsy iske qosyldy

ASTANA. KAZINFORM — Qazaqstandyq pedagogterdiń tsıfrlyq quzyrettiligin arttyrýǵa baǵyttalǵan oqytý bastaldy, dep habarlaıdy Oqý-aǵartý mınıstrliginiń baspasóz qyzmeti.

Jańa oqý jyly qarsańynda muǵalimderdiń kásibı daıarlyǵyn zamanaýı talaptarǵa saı jetildirý maqsatynda QR Oqý-aǵartý mınıstrligine qarasty «Órleý» biliktilikti arttyrý ulttyq ortalyǵy ıÝNESKO-men birlesip jańa baǵdarlamany iske qosty.

Baǵdarlama halyqaralyq tájirıbe negizinde ázirlenip, qazaqstandyq oqý júıesine beıimdelgen.

Oqytý barysynda pedagogter:

• jasandy ıntellekt quraldaryn tıimdi ári etıkalyq turǵydan durys qoldanýdy;

• prompt jazý ádisterin; 

• sabaq josparlaý tásilderin;

• testiler men oqý materıaldaryn ázirleýdi;

• ıllıýstratsııalar jasaýdy;

• oqý mazmunyn jetildirý jáne oqýshylardyń qyzyǵýshylyǵyn arttyrý joldaryn meńgeredi.

— Baǵdarlama jasandy ıntellektini pedagogtiń ornyn almastyrýshy emes, kásibı qyzmetin jeńildetetin senimdi qural retinde qoldanýǵa baǵyttalǵan. Ol muǵalimge shyǵarmashylyqqa kóbirek ýaqyt bólýge múmkindik beredi. «Órleý» biliktilikti arttyrý ulttyq ortalyǵy uıymdastyrǵan bul oqýǵa muǵalimder https://reg.orleu.edu.kz saıty arqyly tirkelip, LMS platformasynda tegin qatysa alady, — delingen habarlamada.

Bir aptanyń ishinde 100 myńǵa jýyq adam qatysyp, sonyń jartysyna jýyǵy sertıfıkat aldy.

Budan buryn pedagogterge qurmetsizdik tanytqandar jaýapkershilikke tartylatyny anyqtaldy.