Pedagogterge arnalǵan respýblıkalyq baıqaý bastalady

ASTANA. KAZINFORM — 1 maýsymnan bastap «Pedagogıkalyq ıdeıalar panoramasy — 2025» respýblıkalyq baıqaýyna ótinish qabyldaý bastalady, dep habarlaıdy Oqý-aǵartý mınıstrligi.

Jyl saıyn ótetin respýblıkalyq baıqaýdyń shartyna bıyl ózgeris engizildi.

— Endi óńirlik kezeńge qatysý úshin beınematerıal ázirleý mindetti emes. Aldymen pedagog óziniń ıdeıasyn jazbasha negizdep, mazmuny men ózektiligin sıpattaýy qajet. Al respýblıkalyq kezeńge ótken soń, pedagogıkalyq ıdeıany beınematerıal retinde usynýy tıis, — dep túsindirdi mınıstrlik.

Materıal buryn jarııalanbaǵan, basqa baıqaýlarǵa usynylmaǵan jáne avtorlyq quqyqty saqtaı otyryp ázirlengen jeke ádistemelik ıdeıaǵa negizdelýi shart. Jobany qazaq, orys nemese aǵylshyn tilinde tapsyrýǵa bolady.

Konkýrs erejelerimen tolyǵyraq tanysý úshin https://ppi.orleu-edu.kz siltemesine ótý qajet.

Buǵan deıin pedagog kadrlar qajettigin boljaý ádistemesi qoldanysqa engiziletini anyqtaldy.