Pedagogterdiń bilimin baǵalaýǵa ótinish qabyldaý bastaldy
ASTANA. QazAqparat - Búginnen bastap app.testcenter.kz saıtynda pedagogterdiń bilimin baǵalaýǵa ótinishterdi qabyldaý júrgiziledi, dep habarlaıdy QazAqparat.
Pedagogterdiń bilimin baǵalaý 3-22 sáýir aralyǵynda ótedi.
Bul testileýge:
- mektepke deıingi tárbıe men oqytý uıymdarynyń pedagogteri;
- bilim berý uıymdarynyń ádiskerleri (ádistemelik kabınetterdiń (ortalyqtardyń) ádiskerlerinen basqa);
- jalpy orta bilim berý uıymdarynyń pedagogteri;
mqosymsha bilim berý uıymdarynyń (ınternattyq uıymdardyń, jataqhanalardyń tárbıeshileri, arnaıy uıymdardyń tárbıeshileri úshin) pedagogteri;
- bilim berý uıymdarynyń, ádistemelik kabınetterdiń (ortalyqtardyń) basshylary;
- tehnıkalyq jáne kásiptik, orta bilimnen keıingi bilim berý uıymdarynyń ( jalpy bilim beretin pánder boıynsha, sondaı-aq jalpy kásiptik jáne arnaıy, jalpy gýmanıtarlyq jáne áleýmettik-ekonomıkalyq pánder boıynsha) pedagogteri;
- pedagogıkalyq baǵyttar boıynsha joo jáne kolledj bitirýshi túlekteri (bakalavrıat-kúndizgi, bakalavrıat-qysqartylǵan, magıstratýra);
- pedagogıkalyq (mamandyqtar) baǵyttar boıynsha tehnıkalyq jáne kásiptik, joǵary jáne/nemese joǵary oqý ornynan keıingi bilimi bar, tájirıbesi joq kandıdattar (onyń ishinde 2022 jylǵy túlekter) qatysa alady.
Aıta keteıik, pedagogterdiń bilimin baǵalaý buǵan deıin Ulttyq biliktilik testileý (UBT(NKT)) dep atalǵan.
