Pedagogterdi daıarlaýda memlekettik tapsyrys qaıta qaralady – Álıhan Smaıylov

Elimizde muǵalimderdi daıarlaýdyń memlekettik tapsyrysy qaıta qaralyp, ol keler jyly 15-shi aqpanǵa deıin qabyldaný kerek, dep habarlaıdy Kazinform.

«Bilim berý uıymdaryndaǵy boljamdy suranysty aıqyndap alyp, pedagogterdi daıarlaýǵa memlekettik tapsyrysty sonyń negizinde qaıta qaraý qajet. Jergilikti jerlerdegi kadr tapshylyǵyn azaıtýdyń tıisti óńirlik baǵdarlamalaryn ázirlep, 15-shi aqpanǵa deıin qabyldaý kerek. Jas muǵalimderdiń osy kásipke beıimdelip ketýiniń tıimdi mehanızmderin ázirlep, tálimgerlik júıesin jáne jańa quzyretter boıynsha pedagogtardyń biliktiligin arttyrý júıesin jasaý qajet», - dedi Premer-Mınıstr Álıhan Smaıylov Úkimet otyrysynda.

Úkimet basshysynyń málimetinshe, úzdiksiz pedagogıkalyq bilim berý júıesin, oqytý baǵdarlamalary mazmunynyń bala-baqshadan ýnıversıtetke deıingi sabaqtastyǵyn qamtamasyz etý kerek.

«Budan basqa, mektepke deıingi, orta, tehnıkalyq jáne kásiptik bilim berý uıymdaryn ádistemelik qoldaý jumysyn kúsheıtý qajet», - deıdi Á. Smaıylov.