Pedagogterdi attestattaýdyń jańa erejesi áli bekitilmedi — Oqý-aǵartý mınıstrligi
ASTANA. KAZINFORM — Oqý-aǵartý mınıstrligi pedagogterdi attestattaýdyń jańa erejesin ázirleý jumysyn jalǵastyryp jatyr.
— Qazirgi ýaqytta qujattyń jobasy talqylaý jáne kelisý kezeńinde. Áleýmettik jelilerde taralyp jatqan materıaldar resmı bekitilgen qujat bolyp tabylmaıdy jáne erejeniń sońǵy redaktsııasy emes, — delingen habarlamada.
Dúısenbi kúni atalǵan másele boıynsha resmı brıfıng ótkizilip, qujat jobasyna qatysty jan-jaqty túsindirme beriledi. Brıfıngten keıin joba keńinen qoǵamdyq jáne azamattyq qoǵam ókilderiniń talqylaýyna usynylady.
Pedagogter qaýymdastyǵynyń, sarapshylar men qoǵam ókilderiniń pikirleri men usynystary Mınıstrlik úshin mańyzdy. Ashyq ári mazmundy talqylaý nátıjesinde tıimdi jáne ádiletti júıe qalyptastyrý kózdeledi.
Buǵan deıin pedagogterdi attestattaý júıesine ózgeris engiziletinin jazǵan bolatynbyz.
