Pedagogterdi attestatsııadan ótkizýdiń jańa erejesi ázirlendi

ASTANA. KAZINFORM – Úkimet otyrysynan keıingi brıfıngide Oqý-aǵartý mınıstri Ǵanı Beısembaev pedagogterdi attestatsııadan ótkizýdiń jańa erejesi qashan jarııalanatynyn aıtty.

«Jalpy, attestatsııanyń eń basty maqsaty – muǵalimderdiń jetistigin oqýshylardyń jetistigimen baılanystyrý. Bul –attestatsııanyń eń basty erekshelikteriniń biri. Jańa attestatsııada burynǵyǵa qaraǵanda ony tapsyratyn barlyq pedagogtyń mamandyǵyna qatysty erekshelikter eskerilgen», - dedi mınıstr BAQ ókilderiniń saýalyna oraı.

Onyń naqtylaýynsha, jańa attestatsııada tek qana orta bilim pedagogtarynyń ǵana emes, sonymen qatar mektepke deıingi bilim mekemeleriniń, qosymsha bilim berý salasynyń, arnaýly bilim beretin pedagogterdiń, mektep dırektorlary men olardyń orynbasarlarynyń erekshelikteri kózdelgen.

«Jalpy, pedagogterdi attestatsııadan ótkizetin ulttyq platformany ázirleýge arnaıy qarjy qarastyrylmaǵan. Ózimizdiń ishki múmkindikterimizdiń esebinen platforma jasalyp, aıaqtalyp qaldy. Bir-eki kúnde ashyq NQA portalyna attestatsııanyń jańa erejesi ilinedi. Sodan keıin jyldaǵydaı kóktemde attestatsııa bastalady», - dedi Ǵanı Beısembaev.