Pedagogtardyń respýblıkalyq Tamyz konferentsııasy bastaldy
Eki apta boıy paneldik sessııalarda pedagogtar mektepke deıingi, orta, qosymsha, tehnıkalyq jáne kásiptik bilim berýdegi ózekti máselelerdi, balalardyń quqyqtaryn qorǵaý jáne bilim berý sapasyn qamtamasyz etý máselelerin talqylaıdy.
«Tamyz konferentsııasynyń maqsaty – pedagogıkalyq qaýymdastyqpen dıalog ornatyp, bilim berý salasyndaǵy problemalardy, mektepke deıingi, orta, tehnıkalyq jáne kásiptik bilim berý sapasyn arttyrý máselelerin talqylaý. Sondaı-aq jańa oqý jylynyń basymdyqtary men negizgi mindetteri aıqyndalady. Sharaǵa jańashyl pedagogtar, bilim berý uıymdarynyń úzdik jetekshileri, sarapshylar men ata-analar qaýymynyń ókilderi qatysady. Spıkerler dóńgelek ústelder, sheberlik sabaqtary men prezentatsııalar ótkizedi», - dedi Oqý-aǵartý mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova.
Paneldik sektsııalar men plenarly otyrystyń materıaldary barlyǵyna qoljetimdi bolýy úshin mınıstrliktiń saıtynda jáne áleýmettik jelilerde ornalastyrylady. Forýmnyń plenarly otyrysy mınıstrliktiń Facebook, Instagram jáne YouTube jelisindegi paraqshalarynda kórsetiledi.
Sondaı-aq forýmnyń plenarly otyrysynda úzdik pedagogtardy QR Oqý-aǵartý mınıstrliginiń vedomstvolyq nagradalarymen marapattaý rásimi ótedi.
