Pedagogtardy vaktsınatsııalaýdy bastaý josparlanyp otyr - bas sanıtarlyq dáriger

NUR-SULTAN. QazAqparat – QR Densaýlyq saqtaý vıtse-mınıstri, bas memlekettik sanıtarlyq dáriger Erlan Qııasov koronavırýsqa qarsy vaktsınalaý naýqanyna qatysty túsinik berdi, dep habarlaıdy QazAqparat tilshisi.

«Koronavırýs ınfektsııasyna qarsy vaktsınatsııalaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan bastap ekinshi komponentpen vaktsınalaý bastalyp, 2 137 adamǵa ekpe jasaldy, qolaısyz kórinister tirkelgen joq», - dedi E. Qııasov Ortalyq kommýnıkatsııalar qyzmetinde.

Onyń aıtýynsha, 23 aqpannan Qaraǵandy farmatsevtıkalyq kesheniniń bazasynda óndirilgen 93 myń doza mólsherindegi vaktsınanyń ekinshi partııasyn jetkizý bastaldy. Osy vaktsınamen medıtsına qyzmetkerlerin egý aıaqtalǵan soń, pedagogtardy vaktsınatsııalaýdy bastaý josparlanyp otyr.

«Vaktsınatsııalaý barlyq óńirlerde júrgizilip jatyr. 786 egý pýnkti ashyldy, olardyń 170-i qazirgi ýaqytta egý jumystaryn júrgizip otyr. Barlyǵy salqyndatý tizbegin qamtamasyz etý úshin qajetti jabdyqtarmen qamtamasyz etilgen. 9 myńnan astam medıtsına qyzmetkeri oqytyldy», - dedi vıtse-mınıstr.