Pedagogıkalyq JOO-lardyń bilim modeli kúsheıtiledi
«Qazirgi ýaqytta 50 joǵary oqý ornynyń negizinde pedagogıkalyq mamandar daıarlanady. Búginde demografııalyq tolqynnyń bastamasyn kórip jatyrmyz, shúkir. Sońǵy 2 jyldyń ishinde 1 mln-ǵa jýyq bala dúnıege keldi. Biraq, bul demografııalyq qysym 2026 jylǵa deıin toqtamaıdy. Alla jazsa, odan keıin de jalǵasady. 1,2 mln bala qazir bizdiń bilim júıemizge kiredi. Birinshi qysym mektepke deıingi uıymdarǵa túsedi. Infraqurylym jaǵynan da úlken qysym bolady. 2025 jylǵa deıin 1 myń mektep salynady dep jatyrmyz. Úsh aýysymdy mektepterdi tolyqqandy bir aýysymdy mektepterge aýystyrý úshin keminde 3 myń mektep qajet», - dedi Saıasat Nurbek respýblıkalyq tamyz konferentsııasy barysynda.
Mınıstrdiń atap ótýinshe, aldaǵy ýaqytta elimizge 120 myńnan astam muǵalim daıyndaý qajet bolady.
«Sondyqtan, 50 JOO-nyń ishinde 5 negizgi pedagogıkalyq joǵary oqý oryndarynyń pedagogıkalyq bilim modelin pysyqtaý, kúsheıtý qajet. Pedagogıkalyq ǵylymdy, pedagogıkalyq bilimdi jetildirý – biz úshin strategııalyq baǵyt bolady», - dedi ol.
