Pedagogıkalyq sheberlik ortalyǵynda myńǵa jýyq muǵalim biliktiligin arttyrady
ASTANA. 11 sáýir. QazAqparat - Pedagogıkalyq sheberlik ortalyǵynyń barlyq fılıaldary men birqatar pedagogıkalyq joǵary oqý oryndarynyń bazasynda jalpy bilim beretin mektepterdiń muǵalimderi úshin úshinshi deńgeıli biliktilik arttyrý kýrstary bastalady,
dep habarlady Pm.kz saıtyna bergen arnaıy suhbatynda «Nazarbaev Zııatkerlik mektepteri» Derbes bilim berý uıymynyń basqarma tóraıymy Kúlásh Shámshıdınova.
«Bıyl Pedagogıkalyq sheberlik ortalyǵynyń bazasynda myńǵa jýyq muǵalim biliktiligin arttyrý kýrstarynan ótedi. Ulttyq biliktilik arttyrý ortalyǵynyń bazasynan 4 myńnan astam adam oqýdan ótpek», - dedi K. Shámshıdınova.
«Nazarbaev Zııatkerlik mektepteri» Derbes bilim berý uıymynyń basqarma tóraıymynyń aıtýynsha, qazirgi tańda ekinshi jáne birinshi sanattaǵy pedagogtar úshin daıarlaý baǵdarlamalary ázirlenip jatyr. Pedagogtardyń biliktiligin arttyrýmen aınalysatyn jattyqtyrýshylar úshin de daıarlyq qosa júrýde.
