Pedagogıkalyq sheberlik ortalyǵy men pedagogtardyń biliktiligin kóterýdiń ulttyq ortalyǵy qurylady - Baqytjan Jumaǵulov
MATY. 23 tamyz. QazAqparat /Erlik Erjanuly/ - Oqytýshylardy qaıta daıyndaý men biliktiligin kóterý úzdik álemdik tájirıbelerge sáıkes jańasha júrgiziledi. Ony Bilim jáne ǵylym mınıstri Baqytjan Jumaǵulov búgin Almatyda ótip jatqan bilim berý qyzmetkerleriniń on-laıyn júıesindegi "Otbasy. Mektep. Qoǵam - ıgilikti bolashaq úshin" degen taqyryptaǵy dástúrli tamyz keńesinde aıtty.
"Bul úshin jańa qurylymdar quramyz. Nazarbaev zııatkerlik mektepteri janynan Pedagogıkalyq sheberlik ortalyǵy jáne pedagogtardyń biliktiligin kóterýdiń ulttyq ortalyǵy qurylady. Jańa baǵdarlamamen aqy tólenetin memlekettik qaıta daıyndaýdan ótken pedagogtar biliktiliktiń jańa birinshi, ekinshi, úshinshi deńgeıleri boıynsha sertıfıkattar alady", - deıdi Baqytjan Tursynuly. Qazaqstannyń Bas pedagogynyń aıtýynsha, bul deńgeıler jalaqyǵa jańa salmaqty ústemeler beredi. ıAǵnı, oqytýshylar eńbegine aqy tóleý aıtaryqtaı ulǵaıady. Biliktiliktiń jańa deńgeıi men muǵalimder dárejeleri arasynda eshqandaı tikeleı ózara baılanys joq. Aǵa býyn oqytýshylardy biz baǵalaımyz. Sol sebepti qazirgi dárejelik júıesi odan ary qoldanyla beredi. Dárejege baılanysty 1-qyrkúıekten bastap qosylatyn ústemeni barlyq oqytýshylar alady. Al qaıta daıyndaý aldaǵy 5 jyldyń sharýasy. Ol óz biliktiligin halyqaralyq norma boıynsha odan ary kóterýdi kózdeıtin oqytýshylarǵa eseptelgen. Jańa deńgeıge baılanysty ústemeler múlde bólek bolady", - deıdi B. Jumaǵulov.
