Pedagogıkalyq fakýltetke túser aldynda túlekter shyǵarmashylyq emtıxan tapsyratyn boldy
ASTANA. QazAqparat - 2016 jyldan bastap pedagogıkalyq fakýltetke túsýge nıet tanytqan túlekter shyǵarmashylyq emtıxan tapsyratyn bolady. Bul týraly búgin QR Bilim jáne ǵylym mınıstrliginiń jaýapty xatshysy Ámirxan Raxymjanov málim etti.
«Pedagogıkalyq mamandyqqa sapaly qabyldaý júıesin engizý maqsatynda 2016 jyldyń 1 qańtarynan bastap, pedagogıkalyq fakýltetterde shyǵarmashylyq emtıxan engiziledi. Bul emtıxan túlekterdiń pedagogıkalyq mamandyqqa degen beıimdiligin anyqtamaq», - dedi ol Astanada ótken mınıstrliktiń alqa májilisinde.
Onyń sózi boıynsha, QR BǴM emtıxandy engizýdiń negizgi tetikterin jasaýda.
«Atalmysh norma ustazdyń bedelin arttyrýdyń basty prıntsıpterin eskeredi jáne túlekterdiń osynaý qadirli mamandyqqa degen beıimdiligin anyqtaıtyn bolady», - dep túıdi sózin A. Raxymjanov.
