Pedagogıkalyq ıdeıalar panoramasy-2026 respýblıkalyq baıqaýyna ótinish qabyldaý bastaldy
ASTANA. KAZINFORM — Oqý-aǵartý mınıstrligi «Pedagogıkalyq» ıdeıalar panoramasy – 2026» respýblıkalyq baıqaýyna ótinish qabyldaý bastalǵanyn habarlady.
Materıal buryn jarııalanbaǵan, basqa baıqaýlarǵa usynylmaǵan jáne avtorlyq quqyqty saqtaı otyryp ázirlengen jeke ádistemelik ıdeıaǵa negizdelýi shart. Jobany qazaq, orys nemese aǵylshyn tilinde tapsyrýǵa bolady.
Baıqaýǵa elimizdiń barlyq óńirindegi mektepke deıingi, orta, qosymsha, tehnıkalyq jáne kásiptik, orta bilimnen keıingi bilim berý uıymdarynyń pedagog qyzmetkerleri qatysa alady. Konkýrs nátıjeleri pedagogterdi attestattaý kezinde eskeriledi.
Baıqaý erejelerimen tolyq tanysý úshin ppi.orleu.edu.kz saıtyna ótý usynylady.
Aıta keteıik, Ulystyń uly kúni – Naýryz merekesine oraı 2026 jylǵy 13–20 naýryz aralyǵynda saýda salasyn tsıfrlandyrý men jasandy ıntellektini qoldanýǵa arnalǵan «Sauda in Digital Nauryz» baıqaýy ótedi.