«Pedagogıkalyq ıdeıalar panoramasy - 2026» respýblıkalyq baıqaýy jarııalandy
ASTANA. KAZINFORM — Oqý-aǵartý mınıstrliginiń qoldaýymen 2018 jyldan beri turaqty túrde ótkizilip kele jatqan respýblıkalyq beınesabaqtar men beınedárister baıqaýynyń kezekti kezeńi bastaldy.
Konkýrsqa elimizdiń barlyq óńirindegi mektepke deıingi, orta, qosymsha, tehnıkalyq jáne kásiptik, orta bilimnen keıingi bilim berý uıymdarynyń pedagogteri qatysa alady.
Baıqaý aımaqtyq jáne respýblıkalyq kezeńnen turady. Óńirlik kezeńde qatysýshylar pedagogıkalyq ıdeıanyń mazmuny men ózektiligin jazbasha túrde negizdep usynady. Ár pedagog bir ǵana baǵyt boıynsha bir jumys tapsyra alady. Jobalar qazaq, orys nemese aǵylshyn tilinde qabyldanady. Usynylatyn materıal buryn jarııalanbaǵan, ózge baıqaýlarǵa usynylmaǵan ári avtorlyq quqyq talaptaryn saqtaı otyryp ázirlengen jeke ádistemelik ıdeıaǵa negizdelýi tıis. Beınematerıal respýblıkalyq kezeńge ótken jumystar úshin ǵana talap etiledi.
Baıqaý baǵyttary:
1. Oqý saýattylyǵy
2. Matematıkalyq saýattylyq
3. Jaratylystaný-ǵylymı saýattylyq
4. Tsıfrlyq saýattylyq
5. Ekologııalyq saýattylyq
6. Mádenıetaralyq saýattylyq
7. Qarjylyq saýattylyq
8. Jahandyq quzyretter
Konkýrstyń óńirlik kezeńine qatysýǵa ótinimder 2 naýryz-30 maýsym aralyǵynda qabyldanady.
Aıta ketelik qaı óńirlerde áli de muǵalim tapshylyǵy bar ekenin jazǵan edik.