«Pedagogıkalyq ıdeıalar panoramasy — 2025» baıqaýynyń aıaqtalýyna 1 apta qaldy

ASTANA. KAZINFORM — Óńirlik kezeńnen ótý úshin beınematerıal ázirleý mindetti emes. Aldymen jumys mazmuny men ózektiligi jazbasha túrde usynylýy qajet, dep habarlaıdy Oqý-aǵartý mınıstrligi.

Mınıstrlik atap ótkendeı, pedagogıkalyq ıdeıanyń beınematerıaly respýblıkalyq kezeńge ótken soń suralady.

Konkýrs baǵyttary:

1. Oqý saýattylyǵy

2. Matematıkalyq saýattylyq

3. Jaratylystaný-ǵylymı saýattylyq

4. Tsıfrlyq saýattylyq

5. Ekologııalyq saýattylyq

6. Mádenıetaralyq saýattylyq

7. Qarjylyq saýattylyq

Baıqaý talaptary kelesideı: 

• árbir qatysýshy tek bir baǵyt boıynsha bir jumys usyna alady; 
• jumys avtorlyq ádistemelik ıdeıany qamtýy tıis; 
• materıal basqa konkýrstarǵa usynylmaǵan, esh jerde jarııalanbaǵan, avtorlyq quqyqty buzbaıtyn jáne Qazaqstan zańnamasyna saı bolýy tıis. 

— Baıqaýǵa elimizdiń barlyq óńirindegi mektepke deıingi, orta, qosymsha, tehnıkalyq jáne kásiptik, orta bilimnen keıingi bilim berý uıymdarynyń pedagog qyzmetkerleri qatysa alady. Jeńimpazdar TMD elderi arasynda ótetin Pedagogıkalyq sheberlik halyqaralyq festıvaline qatysýǵa múmkindik alady. Sonymen qatar, baıqaý nátıjeleri pedagogterdi attestattaý kezinde eskeriledi, — dep túsindirdi vedomstvo.

Aıta keteıik, konkýrstyń óńirlik kezeńine qatysýǵa ótinimder https://ppi.orleu.edu.kz saıtynda 1 qyrkúıekke deıin qabyldanady.

Osyǵan deıin Astana ákimdigi bólgen 526 grant pedagogıkalyq mamandyqtarǵa úlestirilgeni anyqtaldy.