Pedagog mártebesin kótermeı bilim salasynda jetistikke úmit artý múmkin emes - Bilim mınıstri

Búgin L. Gýmılev atyndaǵy Eýrazııa ulttyq ýnıversıtetinde 2011 jylǵy 28 qańtardaǵy QR Prezıdentiniń Qazaqstan halqyna joldaýyn túsindirýge arnalǵan jıyn barysynda Bilim jáne ǵylym mınıstri Baqytjan Jumaǵulov osylaı málim etti.

«Pedagog mártebesin kóterý týraly kóp aıtyldy, ol jańa baǵdarlamada tolyq bir bólimmen qamtyldy. Al bunda naqty tıimdilikti arttyrý úshin biz birneshe baǵytta jumys atqarýymyz kerek. Atap aıtsaq, birinshiden pedagogtardyń biliktiligin arttyrý júıesin pármendi kóterý kerek. Sonymen qatar, bilim berý uıymdary basshylaryn da qaıta daıarlaýdan ótkizip, olardy osy salanyń menedjmentine úıretip otyrǵan jón. Ekinshiden, qarjylandyrý men materıaldyq yntalandyrýdyń jańa tetigi engizilgeni jón. Ustazdardyń ortasha jalaqysyn jeke sektordaǵy eńbekaqyǵa jaqyndatý qajet. Al biliktilikti arttyrýda vaýcherlik-modeldik qarjylandyrýdy meńgerýge tıispiz. Úshinshiden, pedagog bedelin kóterý jolynda tıisti ımıdjdik jumystar atqarylsa ıgi», - dedi mınıstr.

Onyń aıtýynsha, pedagog mártebesin kótermeı, bilim salasyndaǵy jetistikke úmit artý múmkin emes. Sondyqtan da, bul másele jańa baǵdarlama men Elbasy joldaýynda qamtylǵan. Sonymen qatar, mınıstr joǵary oqý oryndarynda jumys isteıtin biliktilikti arttyrý ınstıtýttarynyń qyzmetine de toqtalyp ótti. «Obystarda 16 biliktilikti arttyrý ınstıtýttary jumys isteıdi, alaıda olar ózderiniń materıaldyq-tehnıkalyq jabdyqtalýy, bilim berý sapasy boıynsha talaptarǵa jaýap bere almaıdy. Buny túbegeıli qaıta qarastyramyz», - dedi B. Jumaǵulov.

«Jalpy, pedagog mártebesin kóterý bul mol qarajat bólýmen ǵana sheshile salatyn dúnıe emes. Bizdiń bala kezimizde ustazdarǵa degen qurmet, kózqarasymyz erekshe edi. Osy jaqsy qurmetimiz de keshegi zamanmen birge quryp bara jatqandaı. Óıtkeni, eldegi ustazdyń bedeli burynǵydaı emes. Sondyqtan da, biz barlyq deńgeıde muǵalim mártebesin arttyratyn jańa tujyrymdama ázirlesek utarymyz mol bolar edi», - dedi ol.