«Pedagog mártebesi»: Ustazdardyń aptalyq jumys júktemesi qysqarady
NUR-SULTAN. QazAqparat – QR Kásipodaq federatsııasynyń ókilderi «Pedagog mártebesi týraly» zań jobasyna qatysty pikir bildirdi, dep habarlaıdy QazAqparat tilshisi.
«Usynystarymyzdyń kóbi zań jobasyna engizildi. Biz óz usynysymyzda ustazdardyń oqý júktemesin azaıtý máselesin kóterdik. Joba boıynsha, orta mektepterde ustazdardyń bir aptalyq oqý júktemesi 18 saǵattan 16 saǵatqa azaıdy. Ustazdardyń kásibi jumysyna aralaspaý týraly, ustazdardy kóptegen tekseristerden, qaǵazbastylyqtan bosatý týraly usynys aıttyq. Mektepte jumys isteıtin magıstr dárejesi bar ustazdarǵa 10 aılyq eseptik kórsetkish kóleminde qosymsha tólemaqy tóleýge usynystar aıttyq», - deıdi Qazaqstan bilim jáne ǵylym salasy qyzmetkerleriniń kásipodaq uıymy tóraǵasynyń orynbasary Aıgúl Muqasheva Ortalyq kommýnıkatsııalar qyzmetinde ótken brıfıngte.
