Pedagog mártebesi: Túrkistan oblysynda 4 mektep dırektoryna qatysty ákimshilik is qozǵaldy

TÚRKІSTAN. QazAqparat – Túrkistan oblysynda «Pedagog mártebesi» týraly zańnyń talaptaryn buzǵan 4 mektep dırektoryna qatysty ákimshilik is qozǵaldy. Bul týraly Túrkistan oblysynyń Bilim salasyndaǵy sapany qamtamasyz etý departamenti basshysynyń mindetin ýaqytsha atqarýshy Janar Qasymova málimdedi, dep habarlaıdy QazAqparat tilshisi.

Bilim salasyndaǵy sapany qamtamasyz etý departamentimen 3 laýazymdy jáne 1 jeke tulǵaǵa qatysty ákimshilik is qozǵaldy. Atap aıtar bolsaq, pedagogıkalyq ádep saqtamaǵan Arys qalasyndaǵy B.Ontaev atyndaǵy jalpy orta mektebiniń dırektory, pedagogke taýarlar men qyzmetterdi satyp alý jónindegi mindetterdi júkteý boıynsha Saýran aýdanyndaǵy «Eski Iqan» jalpy orta mektebiniń dırektory men Shardara aýdanyndaǵy «Dostyq» jalpy orta mektebiniń dırektory jáne synyp jýrnalyn toltyrý boıynsha Qazyǵurt aýdanyndaǵy «Dıhan» jalpy orta mektebiniń dırektory jaýapqa tartyldy.

Sonymen qatar, bilim berý uıymdarynan zańnamada kózdelmegen eseptilik aqparattyń talap etilýi boıynsha monıtorıng júrgizilgen. Onyńda qorytyndysynda birshama kemshilikter anyqtalǵan.

«Oqýǵa qushtar mektep» jobasynyń iske asyrylýy jáne mektepishilik baqylaý boıynsha 60 mektepke monıtorıng júrgizilip, birqatar kemshilikter anyqtaldy. Oblysta «Oqýǵa qushtar mektep» jobasyna qarjy 18 mektepke bólingenmen, ádebıettik kitaptar satyp alynbaǵan» - dedi Janar Qasymova.