Pedagog mamandyǵyn tańdaǵan talapkerler sany eselep artty - Bilim mınıstri
NUR-SULTAN. QazAqparat - Bıyl pedagogıkalyq mamandyqtardy tańdaǵan túlekterdiń sany artty. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Buryn ózderińiz biletindeı pedagogıkalyq mamandyqqa 50 balmen oqýǵa túsýge múmkindik bolsa, ótken jyly ony 60 balǵa kóterdik. Bıyl Memleket basshysy tapsyrmasynyń aıasynda ony 70 balǵa deıin kóterdik. Osy jyl ótken Ulttyq biryńǵaı testileýden onyń nátıjesin kórip otyrmyz. Bıyl pedagogıkalyq mamandyqtardy tańdaǵan túlekterdiń sany tek «Altyn belgi« ıegerlerin alatyn bolsaq, eki óse ósti. 1 500-den astam «Altyn belgi« ıegeri pedagogıkalyq mamandyqty tańdap otyr. Bul búgingi memleket saıasatynyń, jalpy pedagogtardyń mártebesin kóterý jumysynyń úlken jemisi dep sanaımyn», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.
