Pedagog mamandar qartaıyp barady - B.Jumaǵulov
TANA. 6 qyrkúıek. QazAqparat /Aıdar Ospanalıev/ - Bilim salasyndaǵy sheshilmegen ózekti máselelerdiń biri bilim berý sapasymen, pedagog kadrlardyń qartaıýymen jáne mamandardyń básekege qabilettiliginiń tómendigimen baılanysty. Bul týraly búgin Astanada ótip jatqan «Táýelsizdikke 20 jyl: Qazaqstan Respýblıkasyndaǵy adam kapıtalyn damytýdyń sapasy men bolashaǵy» atty halyqaralyq konferentsııa barysynda Bilim jáne ǵylym mınıstri Baqytjan Jumaǵulov málim etti.
Onyń sózine qaraǵanda, bilim berý salasynda osy tektes áli de
bolsa belgili bir qaıshylyqtar, sheshilmegen máseleler barshylyq. Sondyqtan, bilim berý tetikteri men adamı kapıtaldy qalyptastyrý - Qazaqstannyń ózekti mindetteri bolyp qala bermek.
«Bul mindetter Elbasymyzdyń bastamasymen ázirlengen Indýstrıaldy-ınnovatsııalyq damý baǵdarlamasynda jáne Qazaqstanda ıntellektýaldy ultty qalyptastyrý jónindegi baǵdarlamada aıqyn kórinis tapqan. Buǵan qosa Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasy bekitildi. Baǵdarlamanyń ereksheligi - bilimniń jańa sapasyna kóshý. Osy baǵdarlamada qarastyrylǵan ınstıtýtsıonaldy qaıta qurýlar bizdiń jumysymyzdyń bazalyq baǵytyn anyqtaıdy. Keleshekke naqty mindetter júkteıdi»,-dedi mınıstr.
