Pedagog quqyǵyn buzýdyń 120 faktisi anyqtaldy
ASTANA. KAZINFORM – Oqý-aǵartý mınıstri Ǵanı Beısembaev vedomstvonyń alqa májilisinde Semeı qalasynda Jańa jyl shyrshasyn bezendirip júrip jaraqat alǵan pedagogtiń oqıǵasyn zań talaptaryn elemeý dep baǵalady.

- Aýmaqtyq bilim sapasyn qamtamasyz etý departamentteri pedagog quqyǵyn buzýdyń 120 faktisin tirkedi. Onyń ishinde pedagogterdi qyzmettik mindetine jatpaıtyn jumystarǵa tartýǵa jol bermeýdi kózdeıtin zań normalaryn elemeýdiń saldary Semeı qalasynda áriptesimizdi qaıǵyly jaǵdaıǵa ushyrata jazdady, - dedi mınıstr.
Eske salsaq, atalǵan oqıǵadan keıin qalalyq bilim bóliminiń basshysy Birjan Bulabaev qyzmetinen bosatylǵan edi.
Al Eńbek jáne halyqty áleýmettik qorǵaý mınıstrligi Semeıde shyrsha bezendirý kezinde bıikten qulap, jaraqat alǵan Qýat Aıtqalıevke qandaı áleýmettik kómek tólenip jatqanyn aıtty.