Pedagog qyzmetin baǵalaý júıesi jańarady
ASTANA. KAZINFORM — Qazaqstanda pedagogterdi attestattaýdyń jańa modeli pılottyq rejımde engizile bastaıdy. Bul týraly QR Oqý-aǵartý vıtse-mınıstri Shynar Aqparova Ortalyq kommýnıkatsııalar qyzmetinde ótken brıfıngide málimdedi.
Vıtse-mınıstrdiń aıtýynsha, jańartylǵan tásil muǵalimniń jumysyn tek akademııalyq kórsetkishtermen ǵana emes, eń aldymen oqýshynyń tulǵalyq damýyna qosqan naqty úlesi arqyly baǵalaýdy kózdeıdi.
— Pedagog-moderator sanatyna qoıylatyn talaptar qaıta qaralady. Buryn jyl saıyn 5 ashyq sabaq ótkizý kózdelse, endi attestattaý kezeńi ishinde 4 sabaq ótkizý jetkilikti. Sonymen qatar biliktilikti arttyrý kýrstarynyń kólemi 72 saǵattan 36 saǵatqa deıin qysqartylady, - dedi Shynar Aqparova.
Onyń sózinshe, pedagogtiń mektep ishindegi jobalar men shyǵarmashylyq toptarǵa qatysýy, sondaı-aq synyp saǵattary men synyptan tys is-sharalar ótkizýi de eskeriletin bolady.
Vıtse-mınıstrdiń málimetinshe, pedagog-sarapshy, pedagog-zertteýshi jáne pedagog-sheber sanattaryna da osyǵan uqsas ózgerister engiziledi.
Qazirgi ýaqytta pılottyq kezeńge arnalǵan buıryq jobasy ázirlenip, kelisý satysynda. Aldaǵy ýaqytta barlyq múddeli tarapqa túsindirý jumystary júrgiziledi.
— Ótpeli kezeńde pedagogterdiń quqyǵy tolyq saqtalady. Attestattaý tek qosymsha qarjylyq yntalandyrý quraly emes, eń aldymen pedagog qyzmetiniń sapasyn ádil baǵalaý tetigi retinde qarastyrylady, — dep atap ótti vıtse-mınıstr.
Onyń aıtýynsha, jańa júıe pedagogtiń negizgi qyzmetine kedergi keltirmeı, kerisinshe ony qoldaýǵa baǵyttalady.
— ıAǵnı pedagogtiń ýaqyty artyq eseptilikke emes, oqýshymen jumys isteýge jumsalýy tıis, - dedi Shynar Aqparova.
Buǵan deıin Oqý-aǵartý mınıstrligi pedagogterdi attestattaý júıesine birqatar ózgeris engiziletinin habarlaǵan edi.
