Pedagog kadrlar qajettigin boljaý ádistemesi qoldanysqa engiziledi
ASTANA. KAZINFORM – 2026 jyly pedagog kadrlar qajettigin boljaý ádistemesi qoldanysqa engiziledi. Bul týraly Senat depýtattarynyń saýalyna Premer-Mınıstr Oljas Bektenovtiń jaýabynda aıtylǵan.
Úkimet basshysynyń atap ótýinshe, óńirlik erekshelikterdi eskere otyryp, pedagog kadrlardyń qajettiligin boljaý Eńbek resýrstaryn boljaý ulttyq júıesi aıasynda júzege asyrylady.
- Sonymen qatar qazir Oqý-aǵartý mınıstrligi Ǵylym jáne joǵary bilim, Eńbek jáne halyqty áleýmettik qorǵaý mınıstrlikterimen, jergilikti atqarýshy organdarmen birlesip, pedagog kadrlar qajettiligin boljaý ádistemesi jobasyn ázirlep jatyr. Bul ádisteme bilim berý júıesin oqýshylarǵa sapaly bilim men tálim-tárbıe berý mindetin oryndaýǵa qajetti pedagog kadrlarmen qamtamasyz etý deńgeıin anyqtaýǵa múmkindik beredi. Atalǵan ádistemeni 2026 jyly qoldaný josparlanyp otyr, - dedi Úkimet basshysy.
Buǵan deıin pedagogter men bilim berý uıymdary basshylary qyzmetiniń tıimdilik reıtıngin engizý jumysy júrgizilip jatqanyn jazǵan edik.