Pedagog, ǵalym jáne dıplomat Bekjasar Narbaev 70 jasqa toldy.

QR Syrtqy ister mınıstrliginiń ujymy mereıto ıesin quttyqtaıdy.

Bekjasar Náribaıuly Narbaev 1943 jyly 1 qańtarda Jambyl oblysy Jambyl aýdanynyń Bektóbe atyndaǵy ujymdyq sharýashylyǵynda dúnıege kelgen.

Qazaqstan Respýblıkasy táýelsizdigin alǵannan keıin, 1992 jyly shet elderde jumys isteý tájirıbesi bar, shet tilderin meńgergen, ysylǵan bilikti maman B.Narbaev Qazaqstan Respýblıkasynyń Syrtqy ister mınıstrligi júıesine qyzmetke shaqyryldy.

Egemen Qazaqstannyń shet eldegi birinshi dıplomatııalyq ókildigi - Túrkııa Respýblıkasyndaǵy Elshiligin Qazaqstan Respýblıkasynyń Prezıdenti N.Nazarbaev resmı túrde ashqannan keıin, B.Narbaev Túrkııaǵa 1992 jyly qazanda baryp, onda 1996 jyldyń sońyna deıin Elshiliktiń Birinshi hatshysy jáne Keńesshisi bolyp qyzmet atqardy.

1997-1999 jyldary eńbek jolyn Qazaqstan Respýblıkasy Syrtqy ister mınıstrliginiń Ortalyq apparatynda Bas basqarmanyń basshysy, departament dırektory retinde jalǵastyrdy.

1999 jylǵy sáýirde B.Narbaev Syrtqy ister vıtse-mınıstri bolyp taǵaıyndaldy. 1999 jylǵy qarashada Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń Pákistan Islam Respýblıkasyndaǵy Tótenshe jáne Ókiletti Elshisi bolyp taǵaıyndaldy. Sol jyly ol Qazaqstan Respýblıkasy Syrtqy ister mınıstrliginiń Dıplomatııalyq akademııasy janyndaǵy Elshiler men jetekshi qyzmetkerlerdiń biliktiligin jetildirý kýrstaryn bitiredi (halyqaralyq mamany).

2003 jylǵy Ekonomıkalyq yntymaqtastyq uıymy (EYU) elderiniń Syrtqy ister mınıstrleri Keńesiniń 13-májilisinde EYU Bas hatshysy bolyp saılandy (Tegeran, IRI).

2004 jyly Syrtqy ister mınıstrliginiń Ortalyq apparatyna Erekshe tapsyrmalar jónindegi Elshi bolyp taǵaıyndaldy.

2005-2006 jyldary Syrtqy ister mınıstriniń Keńesshisi bolyp qyzmet atqardy.

2007 jyldan qazirgi kezge deıin Qazaq ulttyq agrarlyq ýnıversıteti rektorynyń halyqaralyq qatynastar jónindegi keńesshisi jáne qoǵamdyq pánder kafedrasynyń professory.

Ol túrik jáne aǵylshyn tilderin jetik meńgergen. Tótenshe jáne Ókiletti Elshi dıplomatııalyq dárejesi bar Otan aldynda úlken eńbek sińirgen dıplomat. Qazaqstan Respýblıkasynyń dıplomatııalyq qyzmetine Eńbegi sińgen qaıratker. Saıası ǵylymdarynyń doktory, professor. 100-ge jýyq ǵylymı eńbekteri bar, onyń ishinde 5 monografııa, 4 oqý quraly.

Joǵarǵy bilim berý, Saýda-ónerkásiptik palata men Syrtqy ister mınıstrligi júıelerinde jumys atqarǵanda shet elderde Qazaq Keńestik Sotsıalıstik Respýblıkasynyń, elimiz egemendigin alǵannan keıin Qazaqstan Respýblıkasynyń Ǵylymı, tehnıkalyq, ekonomıkalyq jetistikterin jáne syrtqy saıasatyn belsendi túrde dáriptedi. Mysaly, 1983 jyly Qazaq Keńestik Sotsıalıstik Respýblıkasynyń Mınıstrler Keńesi joldaýymen «Qazaq Keńestik Sotsıalıstik Respýblıkasynyń ǵylymy, tehnıkasy jáne ekonomıkasy» kórmesine lektor-sarapshy retinde Vetnamǵa barady. Ol - Hoshımın qalasynyń qurmetti azamaty. 1986 jyly osy mekeme joldaýymen Indııaǵa Halyqaralyq Delı Jármeńkesindegi Keńes Odaǵy ekspozıtsııanyń Qazaq bóliminiń basshysy bolyp bardy.

2003 jyldyń qyrkúıek aıynda Ekonomıkalyq Yntymaqtastyq Uıymynyń Bas hatshysy retinde Birikken Ulttar Uıymynyń Bas Assambleıasynyń 58-sessııasyna delegat retinde qatysady (AQSh, Nıý-Iork). Oǵan qosymsha, sol 2003 jyldyń qarasha aıynda Malaızııada ótken Islam uıymdarynyń konferentsııasyna (OIK) qatysty (Kýala-Lampýr, 2003).

Sonymen qatar issaparmen Ońtústik-Shyǵys Azııa, Arab elderi jáne Eýropanyń kóptegen elderinde bolǵan.

B.Narbaev jumystyń barlyq salalarynda ózine jáne qaramaǵyndaǵylarǵa degen talaby zor, joǵary bilikti, asa zııaly, uıymdastyrýshylyq qabileti mol basshy retinde belgili. Ol tula boıynda iskerlik, eńbeksúıgishtik, maqsatkerlik, jaýapkershiliktik jáne adamdy túsine bilý, qaramaǵyndaǵylaryna izgi qarym-qatynaspen qaraý, kishipeıildilik pen shynshyldyq sekildi qasıetterin ushtastyra bilgen. Onyń jarqyn ómiri - Otanyna rııasyz qyzmet etýdiń úlgisi.

1984 jyly Keńestik Sotsıalıstik Respýblıkalar Odaǵynyń Joǵary jáne arnaıy orta bilim Mınıstrligi B.Narbaevty joǵary bilim berý salasynda kórsetken qyzmeti úshin «Keńestik Sotsıalıstik respýblıkalar Odaǵynyń joǵary bilim berý Úzdigi» medalimen marapattaıdy.

2001 jyly Qazaqstan Respýblıkasynyń syrtqy saıasatyn iske asyrýǵa qosqan belsendi úlesi úshin B. Narbaev Qazaqstan Respýblıkasynyń Prezıdenti Jarlyǵymen «Qazaqstan Respýblıkasynyń Táýelsizdigine 10 jyl» mereıtoılyq medalimen marapattalady.

2001 jyly Qazaqstan Respýblıkasynyń Táýelsizdigine 10 jyl tolýyna baılanysty Qazaqstan Respýblıkasy Prezıdentiniń jáne Premer-mınıstriniń Alǵys hattarymen marapattalady.

2003 jyly joǵary bilim berý salasynda sińirgen eńbegi úshin, Qazaqstan Respýblıkasynyń syrtqy saıasatyn damytýda atqarǵan qyzmeti úshin B.Narbaevqa Qazaqstan Respýblıkasynyń Prezıdenti N.Nazarbaev Alǵys hatyn jáne arnaıy omyraý belgisin tapsyrdy.

2005 jyly Qazaqstan Respýblıkasynyń Prezıdenti Jarlyǵymen «Qazaqstan Konstıtýtsııasyna 10 jyl» mereıtoılyq medalimen marapattalady.

2007 jyly Qazaqstan Respýblıkasynyń Prezıdenti Jarlyǵymen Astana qalasynyń damýyna qosqan eńbegi úshin «10 jyl Astana» mereıtoılyq medalimen marapattalady.

2007 jyly Qazaqstan Respýblıkasy Syrtqy ister Mınıstriniń buıryǵymen B. Narbaevqa «Qazaqstan Respýblıkasy dıplomatııalyq qyzmetiniń eńbek sińirgen qyzmetkeri» qurmetti ataǵy berildi.

2008 jyly Qazaqstan Respýblıkasynyń Syrtqy ister mınıstiriniń buıryǵymen elimizdiń syrtqy saıasatyn damytýǵa qosqan Eren eńbegi úshin «Názir Tórequlov» medalimen marapattalady.

2011 jyly Qazaqstan Respýblıkasynyń Prezıdenti Jarlyǵymen «Qazaqstan Respýblıkasynyń táýelsizdigine 20 jyl» merekelik medalimen marapattaldy.

2012 jyly Qazaqstan Respýblıkasy Syrtqy ister Mınıstriniń buıryǵymen B.N. Narbaev «Qazaqstan Respýblıkasy dıplomatııalyq qyzmetiniń 20 jyldyǵyna oraı» estelik medalimen marapattaldy.

Búginde ulagatty ustaz, belgili ǵalym, dıplomat Bekjasar Narbaev egemendi elimizdiń joǵary bilim berý salasynda jáne syrtqy saıasatyna óz úlesin qosyp keledi.

Bekjasar Náribaıuly, mereıtoıyńyz qutty bolsyn!