Pedagog, dáriger jáne áleýmettik sala mamandarynyń jalaqysy ósti
ASTANA.KAZINFORM — 2022-2025 jyldary elimizde bıýdjet salasy qyzmetkerleri men ekonomıkanyń jekelegen sektorlarynda eńbekke aqy tóleýdi arttyrýǵa baǵyttalǵan keshendi sharalar júzege asyryldy. Bul týraly Úkimettiń baspasóz qyzmeti málim etti.
Ulttyq ekonomıka mınıstriniń birinshi orynbasary Azamat Ámrın aıtýynsha, jalaqynyń ósýi 1,2 mln-nan astam azamatty qamtyǵan.
Atap aıtqanda, áleýmettik saladaǵy 38 myń qyzmetkerdiń jalaqysy orta eseppen 30%-ǵa, 600 myń pedagogtiń eńbekaqysy — 25%-ǵa, 6 myń medıtsına qyzmetkeriniń jalaqysy 20%-ǵa, azamattyq qyzmetshilerdiń jekelegen sanattaryna jatatyn 600 myńǵa jýyq adamnyń eńbekaqysy orta eseppen 20%-ǵa artty. Sondaı-aq «Samuryq-Qazyna» tobynyń óndiristik personalyna eńbekaqy tóleýdegi alshaqtyq qysqartyldy.
Elde eń tómengi jalaqy kóterile me myna siltemeden oqyńyz.
