Paıǵambarymyz Muhammed (s.a.ý.) jaıly bir emes, eki fılm túsirilip jatyr
ASTANA. 6 maýsym. QazAqparat - Qazirgi ýaqytta Paıǵambarlar padıshasy Muhammed Mustafanyń (Allanyń sálemi men ıgiligi jaýsyn) ónegeli ómirine arnalǵan eki birdeı fılm túsirilip jatyr. Bul jaıynda Stoklatka.pl brıtanııalyq Guardian-ǵa silteme jasaı otyryp, habar taratty.
Alǵashqy fılmdi Al-Noor Production kompanııasy Katarda túsirip jatyr. Fılmniń prodıýsseri retinde «Júzik ámirshisin» (Vlastelın kolets) túsirgen Barrı Osborn shaqyrylǵan eken. Al sheıh Júsip Qaradaýı dinı keńesshi bolyp taǵaıyndaldy.
Fılmde Paıǵambarymyzdyń (s.a.ý.) túr-tulǵasy kórsetilmeıdi. Tek daýsy ǵana bolady. Fılmge 1 mlrd. dollar qarajat jumsalady.
muslim.kz saıtynyń jazýynsha, al ırandyq rejısser Májıt Májıttiń Adamzattyń asyl tulǵasy (s.a.s.) jaıly fılmdi túsirý jumystaryna 30 mln. dollar qarajat qarastyrylǵan.
Islam dinin alyp kelgen tulǵa (s.a.ý.) jaıly buryn túsirilgen kórkem taspalardyń ishinde Entonı Kýınniń 1977-shi jylǵy «Elshi» atty fılmi bylaıǵy jurtqa keńinen tanys ekenin aıta ketý kerek. Atalmysh fılm Lıvııa basshysy Mýammar Kadafıdiń qarajatyna túsirilgen bolatyn.
