Paıdasyz sharalar bolmaýy tıis - Rýslan Dálenov
NUR-SULTAN. QazAqparat - QR Ulttyq ekonomıka mınıstri Rýslan Dálenov Memleket basshysy Qasym-Jomart Toqaevtyń shyǵystardy qysqartýǵa qatysty tapsyrmasyna oraı pikir bildirdi, dep habarlaıdy QazAqparat tilshisi.
«Paıdasyz sharalar bolmaýy tıis. Bıyl túgendeý júrgizildi. Osy jyly shyǵystar 30 mlrd teńgege qysqardy. Qazir mundaı túgendeýdi taǵy bir ótkizý tapsyrmasy bar. Óıtkeni, ońaı bas tartýǵa bolatyn qandaı da bir shyǵystar bolýy yqtımal. Mundaı túgendeýdi júrgizemiz. Búgin Úkimet otyrysynda osyndaı tapsyra berildi. Bir apta ishinde shyǵystardy qysqartý boıynsha usynys berý qajet», - dedi mınıstr Úkimet úıindegi baspasóz máslıhaty barysynda.
