Paıdalanylmaıtyn tehnıka Qorǵanys ónerkásibi mınıstrligine ótkizilmek
ASTANA. QazAqparat - Parlament Májilisiniń jalpy otyrysynda palata depýtattary «Qorǵanys ónerkásibi jáne memlekettik qorǵanystyq tapsyrys týraly» zań jobasyn birinshi oqylymda maquldady, dep habarlaıdy QazAqparat tilshisi.
«Zań jobasy qorǵanys ónerkásibi jáne memlekettik qorǵanystyq tapsyrysy salasyndaǵy memsaıasatty júıeli negizde júrgizýge múmkindik beredi. Birinshiden, memlekettik saıasattyń, sondaı-aq qorǵanys ónerkásibi jáne memlekettik qorǵanystyq tapsyrys salasyndaǵy memretteýdiń negizgi mindetteri bekitiledi. Ekinshiden, quqyq qoldaný tájirıbesinde paıdalanylatyn, alaıda zańnamalyq turǵydan bekitilmegen qorǵanys ónerkásibi, qorǵanys ónerkásibi kesheniniń uıymdary, áskerı-tehnıkalyq yntymaqtastyq, paıdalanylmaıtyn múlik sııaqty jańa uǵymdardy aıqyndaý eskerilgen», - dep atap ótti Qorǵanys jáne aeroǵarysh ónerkásibi mınıstri Beıbit Atamqulov zań jobasyn tanystyrý kezinde.
Osy oraıda ol qarý-jaraq, áskerı tehnıka jáne qarý-jaraq pen áskerı tehnıka aınalymy degen uǵymdar birizdendirilgenin jetkizdi.
«Áleýetti vedomstvolardy olarǵa tán emes fýnktsııalardan bosatý maqsatynda mınıstrlikke arnaýly memlekettik jáne quqyq qorǵaý organdarynyń paıdalanylmaıtyn áskerı múlkine jáne paıdalanbaıtyn qarý-jaraǵy men áskerı tehnıkasyna ıelik etý boıynsha quqyqty berý usynylady. Ielik etý quqyǵy kórsetilgen múlikti qorǵanys ónerkásibi kesheni uıymdaryna qarý-jaraq pen áskerı tehnıkany jańǵyrtýǵa, jańa túrlerin ázirleýge berýdi eskeredi. Ondaı qajettilik bolmaǵan jaǵdaıda, ony eksporttaý jáne qorǵanys kesheni ónerkásibi uıymdarynda jóndeý men jańǵyrtý, sondaı-aq qaıta óńdeý nemese joıý shartymen ótkizýdi qamtıdy», - dedi mınıstr.
