Paıdalanylmaı kelgen aýylsharýashylyq maqsatyndaǵy 3 mln. gektar jer bıyldan bastap ıgerile bastaıdy
ASTANA. 9 sáýir. QazAqparat - Paıdalanylmaı kelgen aýylsharýashylyq maqsatyndaǵy 800 myń gektar jer memleketke qaıtaryldy.
Bul týraly búgin selektorlyq tártiptegi Úkimet otyrysynda Óńirlik damý mınıstriniń birinshi orynbasary Qaıyrbek Óskenbaev málim etti.
2012 jyly aýylsharýashylyq maqsatyndaǵy jerlerdi tıimdi paıdalaný jónindegi Memleket basshysynyń tapsyrmasyna sáıkes 2012-2014 jyldarǵa kózdelgen aınalymǵa engizilgen aýylsharýashylyq alqaptaryn túgendeý bastalǵan bolatyn.
«91 mln. gektar jerge biz tekseris ótkizip, ony tıimdi paıdalanýdyń mán-jaıyn anyqtaımyz. Bul jumystar úsh jyl qatarynyn atqarylatyn bolady. 2012 jyly 31 mln. gektar aýmaqta túgendeý sharalary júzege asyryldy. Sonyń ishinde 3 mln. gektar jer tıimdi paıdalanbaı otyrǵandyǵy anyqtaldy. Endigi maqsat - bul jerdi bıylǵy jyly aýyl sharýashylyǵy aınalymyna engizý»,-dedi birinshi vıtse-mınıstr.
«ıAǵnı, bul jerler byltyr anyqtaldy. Atap aıtqanda, atalǵan 3 mln. gektardyń 800 myń gektary qaıtaryldy. Osynyń 63 paıyzy aýyl sharýashylyǵy salasynda jumys istep júrgen azamattarǵa berildi, 10 paıyzy aýktsıon boıynsha satyldy, al 27 paıyzy konkýrs aıasynda ınvestıtsııa salýǵa qaýqarly mekemelerge tikeleı berildi»,-dep tolyqtyrdy Q. Óskenbaev.
Aıta keteıik, Qazaqstan Respýblıkasynyń aýmaǵy 272,49 mln gektarǵa sozylyp jatyr. Onyń 222,24 mln. gektary aýyl sharýashylyǵy alqaptary alańy, sonyń ishinde 29,41 mln. gektary egistik, 0,12 mln. gektary kóp jyldyq ekpeler, 5,16 mln. gektary shabyndyq jerler bolsa, 187,55 mln. gektardy jaıylymdar qamtyp otyr. Jalpy respýblıka boıynsha aýyl sharýashylyǵy alqaptary alańynyń 40 paıyzy nemese 91 mln. gektary aýyl sharýashylyǵy aınalymyna tartylǵan.
