Paıdakúnemdikpen qos qarttyń ómirin qıǵan azamat tutqyndaldy
ASTANA. 27 aqpan. QazAqparat - Shyǵys Qazaqstan oblysynyń polıtsııa qyzmetkerleri paıdakúnemdik maqsatta eki kisiniń ólimine ákelip soqqan qylmysty áshkereledi.
Bul týraly búgin QR ІІM-niń málimetterinde aıtyldy.
«24 aqpanda Zyrıan aýdany Pervorossıısk aýylyndaǵy óz úılerinen býyndyrylyp óltirý izderi bar 67 jastaǵy azamatshanyń jáne pyshaq jaraqatynan kóz jumǵan 72 jastaǵy otaǵasynyń máıitteri tabylǵan bolatyn. Sol kúni ótkizilgen jedel-izdestirý is-sharalarynyń barysynda krımınaldyq polıtsııa qyzmetkerleri aýyr dene jaraqattaryn salý men urlyq faktileri úshin buryn sotty bolǵan 28 jastaǵy aýyl turǵynyn quryqtady»,-delingen taratylǵan málimetterde.
Ustalǵan azamat spırttik ishimdik ishý kezinde týyndaǵan janjal barysynda erli-zaıyptylardy jaıratyp salǵan soń, olarǵa tıesili uıaly telefon men 95 myń teńgeni qoldy etip, oqıǵa ornynan iz jasyrǵanyn moıyndady. Kúdiktini ustaý kezinde odan urlanǵan aqshanyń jartysyna jýyǵy tabylyp, tárkilendi. Qazirgi ýaqytta ol ýaqytsha ustaý abaqtysyna qamaýǵa alyndy, aldyn-ala tergeý amaldary júrgizilýde.
