Pavlodarlyqtyń aýlasyna jabaıy ıt janat keldi
PAVLODAR. QazAqparat - Pavlodarda jeke úıdiń aýlasynan tabylǵan janat ıti Ertis ózeniniń alqabynda jıi kezdese bastady, dep habarlaıdy «QazAqparat» HAA tilshisi.
«Meniń tanysym Tımýr belgisiz janýardy ıtterdiń qorshap alǵanyn kórgen, - dedi Pavlodar turǵyny Ekaterına. Keıin biz mamandardyń kómegimen onyń janat ekendigin anyqtadyq. Tımýr ony ıtter talap tastamasyn dep monshaǵa kirgizip, tamaq bergen».
«Janat ıtti Pavlodardaǵy aýyldardyń mańyna alyp baryp tastaǵan jón. Olar Pavlodar mańynda jáne Lebıaji aýdanynda ózendegi balyqtardy jep, qystan jaıly shyǵady», - dedi Pavlodar memlekettik pedagogıkalyq ýnıversıteti Jalpy bıologııa kafedrasynyń professory, bıologııa ǵylymdarynyń doktory Qaıyrbaı Bazarbekov.
Q.Bazarbekovtyń aıtýynsha, 20 jyl buryn janat ıtterdi Reseıdiń Saratov oblysynda, Edil ózeniniń alqabynda jersindirgen. Olar Qazaqstanǵa sol aımaqtan nemese Altaı ólkesinen, Sibirden kelýi múmkin.
«Mende Ertis ózeniniń alqabyndaǵy janat ıtterdiń sany týraly naqty derek joq. Bizge kezikken janýarlar - biren-saran jaǵdaı shyǵar. Alaıda, qazir Ertis alqabynda quný da, sýsar da mekendeıdi», - dedi bıolog.
