Pavlodarlyqtardyń sırek kezdesetin qarýlary ІІM murajaıyna qoıylýy múmkin
ASTANA. QazAqparat - 10 sáýirden bastap qoǵamdyq qaýipsizdikti qamtamasyz etý maqsatynda respýblıka aýmaǵynda turǵyndardan zańsyz saqtalynǵan qarýlar, atý jaraqtary men jarylǵysh zattardy satyp alý aktsııasy bastalady, dep habarlaıdy pavlodarnews.kz.
Pavlodar oblysy ІІD baspasóz qyzmetiniń málimetinshe, zańsyz saqtap kelgen qarýlar men jarylǵysh zattardy aqshalaı marapat úshin ótkizýge nıet bildirgen azamattar kez kelgen aýdandyq, qalalyq ishki ister organdaryna ózi týraly jeke málimetterin, ótkizetin zattardyń ataýyn, markasyn, kalıbr, qarý nómirin, atý jaraqtarynyń sany jáne olardy qaıdan alǵany jaıly aqparattardy kórsete otyryp ótinish bildiredi. Mádenı quny bar eski atys qarýy (birtutas oqtarmen atys úshin jasalǵan qarýdan basqa, 1899 jylǵa deıin jasalǵan atys qarýy) qarýlar komıssııasynyń sheshimi boıynsha jedel qylmystyq bólimderiniń nemese ishki ister mınıstrligi murajaıynyń zattaı kollektsııasyna berilýi múmkin. Azamattar ótkizilgen qarý, atý jaraqtary men jarylǵysh zattar úshin syıaqymen marapattalady. Komıssııa usynylǵan materıaldardy bir aıdan artyq emes merzimde óz erkimen ótkizilgen zattar men ónimderdiń tehnıkalyq jaǵdaıyn jáne beriletin syıaqy mólsherin anyqtaıdy.
Zańsyz saqtalynǵan qarý, atý jaraqtary men jarylǵysh zattardy ótkizgen azamattarǵa Qazaqstan Respýblıkasynyń respýblıkalyq bıýdjeti týraly Zańymen bekitilgen aılyq eseptik kórsetkish mólsherinde syıaqy taǵaıyndalady: 1) ıir oıyqty avtomattyq atys qarýynyń árbir birligi úshin júz eselik AEK; 2) uzyn uńǵyly ıir oıyqty atys qarýynyń árbir birligi úshin elý eselik AEK; 3) qysqa uńǵyly ıir oıyqty atys qarýynyń (vıntovka, karabın) árbir birligi úshin qyryq eselik AEK; 4) tegis uńǵyly atys qarýynyń árbir birligi úshin otyz eselik AEK deıin; 5) jaraqat salatyn tapansha nemese revolverdiń árbir bir birligi úshin on eselik AEK deıin; 6) árbir granat, mına, atý qurylǵysy men artıllerııalyq snarıad úshin jeti eselik AEK deıin; 7) jarylǵysh ónimderiniń árbir 1000 gramy úshin alty eselik AEK; 8) ıir oıyqty qarýǵa 5,6 mm artyq kalıbrdiń árbir oǵynyń bir birligi úshin otyzdan bir AEK; 9) ıir oıyqty (kishi kalıbrli) qarýǵa 5,6 mm kalıbrdiń árbir oǵynyń bir birligi úshin júz on besten bir AEK; Komıssııamen syıaqy mólsherleri anyqtalý kezinde qarýlaný zattarynyń tehnıkalyq jaǵdaıy úsh sanat boıynsha eskeriledi. 1 sanat - paılanýǵa berilmegen jáne tehnıkalyq aqaýy joq, sondaı-aq buryn udaıy paıdalanýda bolǵan, biraq kórinetin jáne kórinbeıtin aqaýlary joq, taýarlyq sıpatyn joımaǵan qarýlar. Usynylǵan baǵasynyń 100 % esebinen ol úshin tólem jasalady. 2-sanat - udaıy paılanýda bolmaǵan, onyń aldaǵy ýaqyttaǵy paıdalanýyna yqpal etetin jeke tehnıkalyq aqaýlary nemese taýarlyq sıpatynyń kemshilikteri bar, jóndeý jolymen joıýdy qajet etpeıtin qarýlar. Osy sanat boıynsha usynylǵan baǵasynyń 70 % esebinen ol úshin tólem jasalady. 3 sanat - aldaǵy ýaqytta paıdalanýǵa jaramsyz nemese negizgi mehanızmderi, qurylǵylary tehnıkalyq aqaýlaryna baılanysty paıdalanýda qaýipti qarýlar. Osy sanat boıynsha usynylǵan baǵasynyń 30 % esebinen ol úshin tólem jasalady. Azamattar syıaqy somasyn onyń shot-kartasyna nemese ishki ister organyndaǵy kassa arqyly aýdarady. ІІB-ne óz erkimen zańsyz saqtalynǵan atys qarýlaryn, atý jaraqtary men jarylǵysh zattardy ótkizgen tulǵalar qylmystyq jáne ákimshilik jaýapkershilikten bosatylady.
Qajetti aqparattar alý úshin turǵylyqty mekenjaıy boıynsha ishki ister bólimine, sonymen qatar oblystyq ishki ister departamentine 39-11-75 telefony boıynsha habarlasýǵa bolady.
