Pavlodarlyqtar jolaqysy joq jandar úshin aıaldamada aqsha qaldyratyn jáshik ornatty
ASTANA. QazAqparat - Pavlodar qalasynyń turǵyndary Hım qalashyǵyndaǵy «Beıbitshilik» aıaldamasynda jolaqysy joq jandar úshin jáshik ornatty, dep habarlaıdy pavlodarnews.kz.
Vkontakte áleýmettik jelisindegi «Eto Pavlodar, Detka!» qaýymdastyǵynda Danııal Sanatov esimdi azamat eki sýret jarııalaǵan. Onyń aıtýynsha, sýret «Beıbitshilik» aıaldamasynda túsirilgen. Jáshiktiń syrtynda «Aqshań jetpese al, artyq bolsa qaldyryp ket. Meırimdilik úshin! №35 mektep 7A synyby» degen jazý jazylǵan.
