Pavlodarlyqtar úshin «Otbasylyq Weekend» uıymdastyrylady
ASTANA. QazAqparat - Balalardy qorǵaý kúnine oraı Pavlodar qalasy dene shynyqtyrý jáne sport bólimi 2018 jyldyń 2 jáne 3 maýsym kúnderi «Zelenaıa roşa densaýlyq aýdanynda» «Otbasylyq Weekend» sharasyn ótkizedi, dep habarlaıdy pavlodarnews.
Sporttyq buqaralyq is-shara «Qazaqstannyń mádenıet, sport, týrızm jáne aqparat qyzmetkerleri kásipodaǵy» qoǵamdyq birlestiginiń Pavlodar oblystyq fılıaly qoldaýymen ótedi.
«Saǵat 12.00-den 18.00-ge deıin ótetin sharada balalarǵa arnalǵan tegin velosıpedter men rolıkti konkıler beriledi. Qala turǵyndary úshin pıknıkter, saýda núkteleri jumys isteıtin bolady. Qatysýshylar kontsert kórip, sportshylardyń demonstratsııalyq kórsetilimderin tamashalaı alady», - delingen qala ákiminiń baspasóz habarlamasynda.
Sonymen qosa, akvagrımmen boıaý, oıyndar men anımatsııalyq keskindemeler bolady. «Tor Star» fıtness klýby barlyq adamdarǵa ashyq túrde ár-túrli salalar boıynsha sheberlik saǵattaryn ótkizedi. Aıta keteıik, bul kúnderi kez-kelgen adam segiz sport túrinen jarysqa qatysa alady. Olar: jeńil atletıka, strıtbol, saqınalardy laqtyrý, nysanaǵa tıgizý, týrızm, qyzyqty starttar, mas-restlıng, darts. Jeńimpazdar men júldegerlerge syılyqtar beriledi.
