Pavlodarlyqtar toǵyz kún boıy tegin qoıylymdardy tamashalaı alady
ASTANA. QazAqparat - Estaı atyndaǵy mádenıet saraıynda 28 qazan - 5 qarasha aralyǵynda «Jańa aýmaq 2017» úshinshi teatr festıvali ótedi, dep habarlaıdy pavlodarnews.kz.
«Promen mádenı-bos ýaqytty qamtý stýdııasy» jastar qoǵamdyq birlestigi Pavlodar oblysy jastar saıasaty máseleleri jónindegi basqarmasynyń tapsyrysy boıynsha biregeı sharany qolǵa alyp otyr. Bıylǵy jyly qazylar alqasynyń quramyna qazaqstandyq telejúrgizýshi, teatr jáne kıno akteri, teatr rejısseri Evgenıı Jumanov kirdi. Sondaı-aq festıval úzdikterin anyqtaýǵa belgili akterler men rejısserler shaqyrtyldy.
Festıvaldiń ashylý saltanaty Pavlodar oblysy ákiminiń qatysýymen 28 qazan kúni, saǵat 16:00-de Estaı atyndaǵy mádenıet saraıynyń kishi zalynda ótedi. Festıvalǵa QR qalalar men aýdandardyń irikteý týrynyń fınalısterinen ótken 10 spektakl usynylǵan. Marapattaý qazylar alqasynyń sheshimimen 13 nomınatsııa boıynsha júrgiziledi. Sonymen qatar, festıval qazylar alqasynyń arnaıy nomınatsııalary qarastyrylǵan. Ár atalym boıynsha aqshalaı syılyq beriledi. Budan basqa, Reseı Federatsııasy men Qazaqstan Respýblıkasynyń teatr óneri salasyndaǵy bilikti mamandar barlyq qonaqtar úshin kelesi baǵyttar boıynsha sheberlik saǵattaryn ótkizedi.
Festıvaldiń sońynda, ıaǵnı 5 qarasha kúni saǵat 15:00-de Estaı atyndaǵy mádenıet saraıynyń kishi májilis zalynda jabylý saltanatynda jeńimpazdar marapattalady.
