Pavlodarlyqtar tabysy az otbasy balalaryn mektepke daıyndaýǵa atsalysýda

PAVLODAR. QazAqparat - Pavlodar oblysynda «Balany mektepke daıyndaımyz» qaıyrymdylyq sharasy bastaldy, dep habarlaıdy QazAqparat tilshisi.

«Pavlodar oblysynda «Balany mektepke daıyndaımyz» atty respýblıkalyq qaıyrymdylyq aktsııasy bastaldy. «Nur Otan» partııasynyń oblystyq fılıalynda osy aktsııany aıasynda ótkizilgen sharada tabysy az otbasy balalaryna mektep kıimin alý úshin 25 myń teńge, keńse taýarlaryn alýǵa taǵy da 5 myń teńgeniń sertıfıkattary tabys etildi», - dep málimdedi partııanyń baspasóz qyzmeti.

«Balany mektepke daıyndaımyz» aktsııasy Pavlodar oblysynyń barsha qalalary men aýdandarynda júrip jatyr. Tabysy az otbasy balalaryn jańa oqý jylyna daıyndaýǵa jan-jaqty kómek kórsetilýde.

«Sharany ótkizýge túrli deńgeıdegi máslıhat depýtattary da atsalysyp otyr. Búkil oblysta 170-ten astam balaǵa kómek kórsetildi», - deıdi partııa ókilderi.