Pavlodarlyqtar ShQO turǵyndaryna gýmanıtarlyq kómek kórsetpek
PAVLODAR. QazAqparat - Pavlodarda sý tasqynynan zardap shekken Shyǵys Qazaqstan turǵyndary úshin azyq-túlik pen qurylys materıaldaryn jınalyp jatyr, dep habarlaıdy «QazAqparat» HAA tilshisi.
«Pavlodarda táýlik boıy jumys isteıtin Shyǵys Qazaqstan oblysyndaǵy tasqynnan zardap shekkenderge gýmanıtarlyq kómek qabyldaý pýnktteri ashyldy. Bul bastama «Jas Otan» jastar qanatyna tıesili, - dep habarlady «Nur Otan» partııasynyń Pavlodar oblystyq jastar qanatynyń basshysy Sanıra Júsipova.
Qabyldaý beketi myna mekenjaıda ashyq: Krıvenko, 25A (partııanyń oblystyq bólimshesiniń ǵımaraty)».
ShQO-da zardap shekken turǵyndarǵa jańa kıim, qurylys materıaldary (tsement, kirpish jáne t.b.), buzylmaıtyn azyq-túlikter (konserviler, maı, qant, tuz, jarma jáne t.b.) qajet, dep atap ótti S.Júsipova.
