Pavlodarlyqtar senbilikte 40 myńnan astam kóshet otyrǵyzdy
PAVLODAR. QazAqparat - Pavlodarda jalpyqalalyq senbilik aıasynda toǵyz gektarǵa qaraǵaı otyrǵyzyldy, dep habarlaıdy pavlodarnews.kz.
Jetekshi aýylynda bir apta boıy 40 myńnan astam qaraǵaı kósheti egildi.
Mamandardyń aıtýynsha, «Ertis ormany» rezervaty orman tálimbaǵynan alynǵan kóshetterdiń ónip ketýi 80 paıyz. 5-6 jyldan keıin bul aǵashtardyń bıiktigi 50 santımetrge deıin jetedi.
«Birneshe jyldan keıin bul jer úlken ormanǵa aınalady», - dedi Pavlodar oblysynyń ákimi Bolat Baqaýov.
«Jyl saıyn sáýir aıynda kelip, kóshetterdiń qalaı ósip jatqanyn kórýdi dástúrge aınaldyraıyq. Alǵashqy kezeńde qaraǵaılar sýarylyp, kútiletin bolady. Budan basqa, topyraqqa sińisip ketpegenderi jańalaryna aýystyrylady». 
Pavlodardyń aınalasyndaǵy beldeýden basqa, senbilik kezinde qalanyń aýmaǵy abattandyrylady. «Gorzelenstroı» JShS kásiporyndar men oqý oryndaryna, PIK-terge 500-ge jýyq kóshet usyndy. Sonymen qatar Ýsolka shaǵyn aýdanyndaǵy jaıaý júrginshiler júretin jerge 200 aǵash egildi.
Oblys ortalyǵynda myńǵa jýyq kóshet otyrǵyzylady.
«Qoqysty jınastyrý úshin 45 tehnıka men 115 júk kóligi bólindi», - dedi TÚKSh bóliminiń basshysy Zikrııa Sultangazınov.
«Bizdiń kásiporyndar aǵashtar men aıaldama pavılondaryn áktep, belgiler qoıylady».
Eske sala keteıik, bul kóriktendirý jáne sanıtarlyq aılyq boıynsha ótkizilip otyrǵan úshinshi senbilik. Kelesi aptada taǵy bir senbilik kútip tur.
