Pavlodarlyqtar respýblıkalyq pedagogıkalyq bastamalar baıqaýynan júldeli oraldy
PAVLODAR. QazAqparat - Almaty qalasynda «Pedagogıkalyq ıdeıalar festıvali» respýblıkalyq baıqaýy ótti, dep habarlaıdy pavlodarnews.kz.
Bul týraly Pavlodar qalasy bilim berý bólimi málim etti.
«Baıqaýǵa Pavlodar qalasy mektepteriniń 13 pedagogy oblys deńgeıinde tájirıbe jınaqtap, usyndy. Jarys ár túrli pán salalary men qosymsha bilim berýdi biriktirgen bes baǵyt boıynsha ótti. Bizdiń muǵalimder eki 1-oryn, bir 2-oryn jáne eki festıval nomınanttary júldesin jeńip aldy», - deıdi bilim berý bóliminde.
«Psıholog sandyqshasy» baǵytynda №40 jalpy orta bilim berý mektebiniń psıhology Qymbat Mataı konkýrs jeńimpazy atandy. Qoly sheber pedagogtarǵa arnalǵan jeke baǵytta jeńimpaz №21 jalpy orta bilim berý mektebiniń orys tili men ádebıeti pániniń muǵalimi Olga Raýsh bolsa, №40 jalpy orta bilim berý mektebiniń matematıka muǵalimi Alına Bastenova 2-oryn ıelendi.
Atalmysh baǵytta №29 jalpy orta bilim berý mektebiniń qazaq tili men ádebıeti pániniń muǵalimi Aısana Seıtqalıeva jáne №22 jalpy orta bilim berý mektebiniń orys tili men ádebıeti pániniń muǵalimi Meıramgúl Baıadılova baıqaý nomınanttary atandy.
