Pavlodarlyqtar Reseıdiń Sverdlov oblysyna et pen jarma jetkizetin boldy
PAVLODAR. QazAqparat - Pavlodar, Omby, Túmen oblystarynyń týrıstik fırmalary, sondaı-aq Sverdlov oblysyna kókónis, et, jarma satýshylar Petropavl qalasynda ótken shekaralyq yntymaqtastyq forýmynda áriptestik týraly memorandým jasasty, dep habarlaıdy QazAqparat.
«Pavlodarlyq áriptesterimizben memorandým jasalǵan soń, biz Pavlodar oblysy boıynsha týrlar uıymdastyramyz. Bizdi aımaqtyń basty kórikti jerleri men emdeý-kýrorttyq baǵyty qyzyqtyrýda. Pavlodarlyqtar men túmendikter arasynda jasalǵan taǵy bir kelisim týrızm, ekskýrsııalyq jáne kórme-jármeńkelik jumysta iskerlik baılanystardy nyǵaıtýdy kózdep otyr», - dep málimdedi Petropavlda ótken XV Qazaqstan-Reseı shekaralyq yntymaqtastyq forýmynda Túmen qalasyndaǵy «Kontınent» JShQ ókili Aleksandr Omelchenko.
Pavlodar oblysy ákimdigi baspasóz qyzmetiniń habarlaýynsha, pavlodarlyq týrıstik operatorlar da Túmen oblysyndaǵy áriptesterimen yntymaqtastyq týraly memorandýmdar jasasqan. Barlyq máseleler boıynsha tolyq ózara árekettestikti qarastyratyn qujatqa pavlodarlyq «Roman Týr» kompanııasynyń dırektory Igor Chernyh pen Túmendegi «Kontınent» JShQ ókili Aleksandr Omelchenko qol qoıdy.
«Naryqta 17 jyldan beri qyzmet etip kelemiz, osy ýaqyt boıy túmendikterdi Qazaqstanǵa jetkizip júrmiz. Bizdiń basty baǵyttarymyz - Aqmola oblysyndaǵy Býrabaı men Şýche, Astana qalasy men Qaraǵandy oblysy», - dedi A.Omelchenko.
Petropavldaǵy forým kezinde Pavlodar oblysyndaǵy taýar satý jáne qyzmet kórsetý ortalyǵynyń basshysy Dmıtrıı Korepanov pen reseılik «Pro» kompanııalar tobynyń bas dırektory da yntymaqtastyq týraly memorandýmǵa qol qoıdy. Taraptar pavlodarlyq óndirýshilerdiń Sverdlov oblysyna aýylsharýashylyq ónimderin jetkizetini jóninde kelisken.
«Kókónisterdiń alǵashqy partııasy kóp uzamaı jetkiziledi. Bolashaqta pavlodarlyqtar seriktesterine et pen jarmany jetkize alady», - dep atap ótti Pavlodar oblysy ákimdiginiń baspasóz qyzmetinen.
