Pavlodarlyqtar órt kezinde qaza tapqan otbasynyń týystaryna kómek kórsetip jatyr

PAVLODAR. QazAqparat - Pavlodar turǵyndary órt kezinde qaza tapqan jas áıel men eki kishkentaı balanyń týystaryna qaıyrymdylyq kómek jınap jatyr, dep habarlaıdy QazAqparat tilshisi.

«Búgin «Jas Otan» jastar qanatymen birge olardyń týystaryna baryp, kóńil aıttyq jáne qandaı kómek kerek ekenin suradyq, - dedi «Nur Otan» partııasy Pavlodar oblystyq bóliminiń saıası jumystar bóliminiń keńesshisi Orazáli Sársenov. - Erteń biz tasymaldaýǵa, meshitten ári qaraı jetkizýdi uıymdastyrýǵa kómektesemiz, keıin bata túrinde kómek jınap jatyrmyz».

Áıeli men úsh jáne jeti jastaǵy balalarynan aıyrylǵan Ramıl Álıevke qala turǵyndary men uıymdary, mysaly «Meıirimdiler klýby» kómek kórsetip jatyr.

Qutqarýshylardyń aıtýynsha, tergeý organdary oqıǵanyń mán-jaıyn anyqtaýy kerek.

Eske salaıyq, 12 maýsymda Pavlodar qalasynda Potanın 20A mekenjaıynda jeke úıdiń aýmaǵynda monshaǵa japsarlas salynǵan jazǵy ashanadan órt shyqqan. Jalyn 20 sharshy metr aýmaqty sharpyǵan. Órttiń aldyn ala shyǵý sebebi - ashanadaǵy elektr symdarynyń qysqa tuıyqtalýy, dep atap ótti vedomstvoda.