Pavlodarlyqtar ormandy jer seriginiń kómegimen qorǵaýdy usyndy
PAVLODAR. QazAqparat - Pavlodarda 70 mln teńgege ormandy ǵaryshtan baqylaıtyn jer serigi túsirilimderine kelisim-shart negizinde tapsyrys berý usynyldy, dep habarlaıdy QazAqparat pavlodarnews.kz. saıtyna silteme jasap.
«Nur Otan» partııasy Pavlodar oblystyq fılıalynda ótken partııanyń oblystyq fılıaly partııalyq baqylaý komıssııasy men sybaılas jemqorlyqqa qarsy áreket qoǵamdyq keńesiniń birlesken otyrysynda Pavlodar oblysyndaǵy orman qorynyń saqtalýy máselesi qaraldy.
2015 jyldyń jeltoqsan aıynda partııanyń oblystyq fılıalynyń QR Aýyl sharýashylyǵy mınıstrligine joldaǵan usynysy boıynsha bıylǵy jyldyń 1 qańtarynan «Ertis ormany» Memlekettik orman tabıǵı rezervatyndaǵy» aǵash kesýdiń barlyq túrlerine moratorıı jarııalanǵan edi.
Alaıda moratorııge qaramastan ormandaǵy aǵash kesý faktileri áli de oryn alýda. «Ertis ormany» MOTR bas dırektorynyń mindetin atqarýshy Tilek Muqanovtyń jetkizgen aqparatyna sáıkes, bıylǵy jyldyń basynan beri rezervatta óz erkimen 26 tekshe metr kólemindegi aǵash kesýdiń 8 faktisi oryn alǵan. Olardyń altaýy boıynsha qylmystyq is qozǵalyp, 32 adam tártiptik jaýapkershilikke tartyldy.
Polıtseılerdiń aıtýynsha, orman sharýashylyǵynda quqyq buzýshylyqtardyń sany kúrt tómendeýde. Komıssııa múshelerimen osy baǵyttaǵy jumysty ári qaraı jetildirý maqsatynda túrli usynystar aıtyldy. Mysaly, Pavlodar oblystyq prokýratýrasy 1-basqarma bastyǵynyń mindetin atqarýshysy Baqytjan Álıaqparov orman qorǵaý qyzmetkerlerine shetel tájirıbesin zerttep, jumysta zamanaýı tehnlogııalar qoldanýǵa shaqyrdy.
«Bizder áli HH ǵasyrda qalyp kelemiz. Ormandy qorǵaý salasynda áldeqaıda tıimdi zamanaýı tehnologııalar bar. Máselen, ulan-ǵaıyr terrıtorııaǵa ıe Kanadada bul jumysty jer serikteri atqarady. Bul áldeqaıda tıimdi, ári arzan. Sheteldik spýtnıkteriniń túsirilimderine kelisim-shart negizinde tapsyrys berýge bolady. Buǵan oblys qarajatynan 70 mln. teńge kerek», - dep atady Baqytjan Álıaqparov.
